लुम्बिनीका अलपत्र विद्युतीय बस तत्काल सञ्चालन गर्न निर्देशन रुपन्देही /लुम्बिनी
लुम्बिनी मा वर्षौँदेखि अलपत्र अवस्थामा रहेका विद्युतीय बसहरू तत्काल सञ्चालनमा ल्याउन प्रधानमन्त्री कार्यालयले सम्बन्धित निकायलाई निर्देशन दिएको छ।पर्यटकलाई सहज र वातावरणमैत्री यातायात सेवा उपलब्ध गराउने उद्देश्यले करिब ६ वर्षअघि दातृ निकायबाट प्रदान गरिएका करोडौँ मूल्यका विद्युतीय बसहरू कानुनी जटिलता र प्रशासनिक ढिलासुस्तीका कारण हालसम्म सञ्चालनमा आउन सकेका थिए।
लामो समयसम्म प्रयोगविहीन रहँदा ती बसहरू काठमाडौँ सार्ने तयारी अन्तिम चरणमा पुगेको थियो। तर प्रधानमन्त्री कार्यालयको पछिल्लो चासो र हस्तक्षेपपछि उक्त प्रक्रिया रोकिएको छ।
अब ती बसहरू छिट्टै सञ्चालनमा ल्याउने तयारी भइरहेको सम्बन्धित निकायले जनाएको छ। बस सञ्चालनमा आएपछि लुम्बिनी भ्रमणमा आउने स्वदेशी तथा विदेशी पर्यटकलाई ठूलो राहत मिल्ने अपेक्षा गरिएको छ।
स्थानीयवासी तथा पर्यटन व्यवसायीहरूले पनि बस सेवा सञ्चालनमा ल्याउन ढिलाइ भएकोप्रति असन्तुष्टि जनाउँदै तत्काल कार्यान्वयन गर्न माग गर्दै आएका थिए।
