जिल्ला कमिटी कपिलवस्तुद्वारा जारी प्रेस विज्ञप्तिमा सरकारद्वारा गरिएको पक्राउलाई पूर्वाग्रही र प्रतिशोधपूर्ण कार्य भन्दै कडा शब्दमा भर्त्सना गरिएको छ।
जिल्ला कमिटी कपिलवस्तुद्वारा जारी प्रेस विज्ञप्तिमा सरकारद्वारा गरिएको पक्राउलाई पूर्वाग्रही र प्रतिशोधपूर्ण कार्य भन्दै कडा शब्दमा भर्त्सना गरिएको छ। विज्ञप्तिमा उक्त कदमले लोकतान्त्रिक मूल्य, विधिको शासन र राजनीतिक स्थायित्वमाथि गम्भीर असर पर्ने उल्लेख गरिएको छ।
यसैबीच, प्रदर्शनका क्रममा जिल्लाका विभिन्न स्थानबाट पार्टीका नेता–कार्यकर्ता तथा समर्थकहरू सडकमा उत्रिएका थिए। उनीहरूले रातो झण्डासहित नाराबाजी गर्दै सरकारविरुद्ध विरोध जनाएका थिए।
प्रदर्शनलाई नियन्त्रणमा लिन सुरक्षाकर्मीको बाक्लो उपस्थिति देखिएको थियो। मुख्य बजार क्षेत्रमा सशस्त्र प्रहरी र नेपाल प्रहरी परिचालन गरिएको थियो भने अवस्थालाई सामान्य राख्न सुरक्षा व्यवस्था कडा पारिएको थियो।
पार्टीले सरकारलाई यस्ता गतिविधि तुरुन्त बन्द गर्न, पक्राउ परेका नेताहरूलाई बिना सर्त रिहा गर्न तथा लोकतान्त्रिक अधिकारको सम्मान गर्न आग्रह गरेको छ। साथै, यस्ता कदम जारी रहेमा थप सशक्त आन्दोलन गर्ने चेतावनीसमेत दिएको छ।
