कपिलवस्तु — कपिलवस्तु नगरपालिका–१ मा सञ्चालन भइरहेको “१० औ प्राचीन कपिलवस्तु महोत्सव २०८३” यतिबेला विभिन्न विवादका कारण चर्चामा आएको छ। यसअघि अश्लील भोजपुरी गीतहरू बजाइएको विषयमा आलोचना खेपेको महोत्सवमा अहिले व्यवस्थापन तथा सुरक्षाकर्मीको व्यवहारप्रति पनि गम्भीर गुनासाहरू थपिएका छन्।
स्थानीय सहभागीहरूको अनुसार, परिचयपत्र (आईडी कार्ड) नभएकालेपनि मलाई “सबैले चिन्छन्” भन्ने आधारमा अनावश्यक रूपमा रोक्ने, सोधपुछ गर्ने र हैरानी दिने गरिएको छ। तर, आयोजक वा सुरक्षाकर्मीका चिनजानका व्यक्तिहरूलाई भने सहज रूपमा प्रवेश दिने तथा विशेष व्यवहार गर्ने गरिएको आरोप लगाइएको छ। यसले कार्यक्रममा भेदभावपूर्ण व्यवहार भएको अनुभूति गराएको भन्दै स्थानीयवासीहरूले आपत्ति जनाएका छन्।यसअघि पनि महोत्सवमा अश्लील भोजपुरी गीतहरू बजाइएको भन्दै अभिभावक, बुद्धिजीवी तथा सरोकारवालाहरूले आलोचना गरेका थिए। सार्वजनिक तथा पारिवारिक वातावरणमा यस्तो सामग्री प्रस्तुत गरिएकोले सामाजिक मूल्य–मान्यतामा असर पर्ने चिन्ता व्यक्त गरिएको छ।स्थानीयवासी तथा सहभागीहरूले महोत्सव जस्तो सार्वजनिक कार्यक्रममा सबै नागरिकलाई समान व्यवहार गरिनुपर्ने, व्यवस्थापन पारदर्शी हुनुपर्ने र सुरक्षाकर्मीलाई स्पष्ट निर्देशन दिइनुपर्ने माग गरेका छन्। साथै, सर्वसाधारणमाथि हुने दुव्र्यवहार रोक्न तत्काल प्रभावकारी कदम चाल्न आग्रह गरिएको छ।हालसम्म आयोजक पक्षबाट यी आरोपहरूबारे औपचारिक प्रतिक्रिया आएको छैन। यता, स्थानीय प्रशासनले भने विषयमा चासो देखाउँदै आवश्यक अनुसन्धान गर्ने संकेत दिएको जनाएको छ।
