लवनीमा मोटरसाइकल दुर्घटनामा प्रहरी सहायक हवल्दारको मृत्यु
लुम्बिनी–तौलिहवा सडकखण्डअन्तर्गत लवनीमा भएको मोटरसाइकल दुर्घटनामा एक जना प्रहरीको मृत्यु भएको छ।
मृत्यु हुनेमा रूपन्देही जिल्ला रोहणी गाउँपालिका–७ निवासी तथा हाल प्रहरी चौकी कोपवा, कपिलवस्तुमा कार्यरत प्रहरी सहायक हवल्दार राम विलास यादव रहेका छन्।
प्रहरीका अनुसार लुम्बिनी–तौलिहवा सडकखण्डको लवनी नजिक शनिबार साँझ यादव सवार मोटरसाइकल दुर्घटनामा परेको थियो।
दुर्घटनाको कारण खुल्न बाँकी रहेको र थप अनुसन्धान भइरहेको जिल्ला प्रहरी कार्यालयले जनाएको छ।
