प्रशासनले स्वीकृति नदिए पनि युवाहरूलाई सडकमा उत्रन ओलीको निर्देशन
काठमाडौं । नेकपा एमालेका अध्यक्ष केपी शर्मा ओलीले प्रशासनको स्वीकृति नदिए पनि सडक प्रदर्शनमा उत्रन राष्ट्रिय युवा संघ नेपाललाई निर्देशन दिएका छन्।
राष्ट्रिय युवा संघ नेपालको बैठकलाई सम्बोधन गर्दै अध्यक्ष ओलीले उक्त निर्देशन दिएका हुन्। उनले युवा संघलाई प्रदर्शन गर्नुअघि प्रशासनलाई जानकारी दिन आग्रह गरे, तर प्रशासनले अनुमति नदिए पनि प्रदर्शन नरोक्न भनेका छन्।
ओलीले भने, ‘प्रशासनलाई जानकारी दिनुस् । लुकेर गर्नुपर्नेछैन । हामीले यसरी गर्दैर्छौ स्वीकृति दिनुहोस् भन्नुहोस्।’
उनले थप भने, ‘स्वीकृति दिनु हुन्न भने स्वीकृति चाहन्न सडकमा उत्रनुुस् । संविधान भन्दा सिडिओको आदेश माथि हुँदैन ।’
अध्यक्ष ओलीको यो भनाइले युवा संघका कार्यकर्ताहरूलाई प्रशासनको अनुमति बिना नै विरोध प्रदर्शन लगायतका कार्यक्रमहरू गर्न प्रोत्साहन गरेको छ।
